От пелен прилежно Премудрость сестру себе сотворив,Богогласе,
пресветлую видев,яко девицу чисту,юже приемь,приведе,
яко монисты златыми,сею украсив свою душу и ум,
и обретеся,яко другий Кирилл,блаженне,
разумом и именем,мудре.

Твердым и Богодохновенным учением просвещая мир
пресветлыми зарями,обтече,яко молния вселенную,
Кирилле блаженне,разсевая пресветлое Божие слово,
на западе и севере и юзе,мир просвещая чудесы.

Слава Отцу и Сыну и Святому Духу,и ныне и присно,
и во веки веков,аминь.

Слава Тебе,Господи.

От святыя иконы Твоея,о Владычице Богородице,
исцеления и цельбы подаются обильно с верою
и любовию приходящим к ней.Тако и мою немощь
посети и душу мою помилуй,Благая,
и тело исцели благодатию Твоею,Пречистая.

Измлада явился еси,богомудре княже Гаврииле,
Божественный сосуд,избран Богови,благочестием воспитан,
веру непорочну соблюд и многи святые церкви устроив,
изгнание претерпел еси от своих,якоже и целомудрии
прародители твои от брата убиение.
С нимиже предстоя Святей Троице,молися
стране нашей сохраненной быти и всем нам спастися.

Многомудренно преселився во град Псков,блаженне княже Гаврииле,плод благий Богови в жизни сей был еси,присноцветущ
добродетельми и,якоже Давид,незлобием. Того ради
получил еси жизнь вечную на Небесех,
всегда зря Святую Троицу.
Моли избавитися нам от всяких бед,
да зовем ти:радуйся,утверждение граду нашему.

Пустынное житие возлюбивше,преподобнии отцы,
явистеся Новгородстей стране,яко иное солнце,
озаряюще сию молниями чудес ваших,
и просвещаете верою воспевающих вам:
радуйтеся,постников похвало и праведных удобрение.

Преподобне и чудотворче,отче Прохоре,
препитавый во гладе алчущия хлебом от былия
и солию от пепла,напитай и нас пищею духовною,
моля Христа Бога о душах наших.

Светильниче Церкве пресветлый,озаривый лучами
доброт твоих страну сию,и исцеленьми многими
притекающих к раце Твоей с верою Бога прославивый,
молим тя,святителю отче Иннокентие,
ограждай молитвами твоими град сей от всех бед и печалей.

Непорочности соименнаго пастыря,проповедника веры
в языцех монгольских,славу и украшение иркутския паствы,
любовию восхвалим вси вернии: той бо есть
хранитель страны сея и молитвенник о душах наших.

Божественный гром,труба духовная,веры насадителю
и отсекателю ересей,Троицы угодниче,
великий святителю Фотие,
со Ангелы предстоя присно,моли непрестанно о всех нас.

Величаем тя,святителю отче наш Фотие,и чтим
святую память твою:ты бо молиши о нас
Христа Бога нашего.

Обладал великой ученостью: был и философ,и богослов,и историк,и математик.Император Михаил вместе со святым Кириллом,просветителем славян,слушал у него уроки.
Сделавшись патриархом,Фотий,при помощи Божией,спас Восток от влыдычества пап и опроверг все отступления их римской Церкви от древнего Православия.
При св.Фотии князь болгарский со своим народом первым среди славян принял христианство.

Радуйся,Благодатная Богородице Дево,
во объятиях Своих Предвечнаго Младенца и Бога носившая.
Проси Его дати миру умирение и душам нашим спасение.
Сын бо Тебе,Богомати,вещает,яко вся прошения Твоя
во благое исполнит.Сего ради и мы припадающе,
молим Тя и надеющиеся на Тя,да не погибнем,
имя Твое именуем:Ты бо еси Владычице,Взыскание погибших.

Во имя Отца и Сына и Святого Духа.Аминь

На высоте великаго княжения седя,явился еси,
благочестием и верою сияя Отечеству своему,
яко солнце;по Святей Троице ревностию разжегся
и за веру крепко пострадав,кровь твою пролиял еси.
Тем и отсеченная твоя за Христа глава свидетельствует
яве о тебе,прилепшая по смерти к телеси твоему,
с неюже и до днесь нетленны пребывают мощи твоя,
от нихже источаеши исцеления душам и телесем нашим.
Но яко дерзновение имея ко Христу,страстотерпче Георгие,
непрестанно моли державу твою и сродник твоих
безвредну сохранити молитвами твоими.

Христове смерти подобяся и Того испити чашу возжелев,
яко Живота,за Негоже мужески подвизался еси,
презрев земное царство,от безбожных варвар
и пострадав до смерти,Георгие богомудре.
Тем моли спастися верным людем молитвами твоими.

Силою свыше укрепляема,Мати Божия,
егда слыша словеса старца Симеона глаголюща:
се,лежит Сей на падение и на востание многим во Израили,
и в знамение пререкаемо,и Тебе же Самой душу пройдет оружие,
яко да открыются от многих сердец помышления;
и скорбь велия пронзе сердце Богородицы,
и возопии в горести Богу:Аллилуйа.

В начале своих подвигов он был прельщен дьяволом,который явился ему в виде ангела и сказал:"Ты не молись,а только читай и учи других,а я буду молиться вместо тебя".
Святые подвижники,придя к нему,вразумили его и,молитвами своими отгоняя дьявола,вывели из затвора.

Насладився,богомудре,воздержания,и желание плоти
твоея обуздав,на престоле святительства сел еси,
и яко звезда многосветлая просвещая верных сердца
зарями чудес твоих,отче наш святителю Никито,
и ныне моли Христа Бога,да спасет души наши.

Архиерейства саном почтився,и чисте Чистейшему предстоя,
прилежно моление за люди твоя приносил еси,яко и дождь
молитвами свел еси,овагда же и града запаления угасил еси.
И ныне,святителю Никито,моли Христа Бога спасти люди твоя
молящиеся,да вси вопием ти:радуйся,святителю,отче предивный.