Воинство тленное оставль,в нетленном ввоенился еси Христови,
и оружием Его крестным победив подземных ефиопов,
победы венец от Христа,Тите,славно приял еси,
Емуже молися даровати нам мир и велию милость.

Братолюбне тя живуща видев любве ненавистник,
победил тя во гнев,но,ведый твоя прежния труды
любве источник - Господь,преложи тя паки на братолюбие,
в немже ты прочее пожив Богоугодне,молися о нас,
яко да поживем братолюбне.

Премудрости Наставниче,смысла Подателю,
немудрых Наказателю и нищих Защитителю,
утверди,вразуми сердце мое,Владыко.
Ты даждь ми слово,Отчее Слово,се бо устне мои
не возбраню,во еже звати Тебе:Милостиве,помилуй мя падшаго.

Слава в вышних Богу,и на земли мир,в человецех благоволение.
Хвалим Тя,благословим Тя,кланяем Ти ся,славословим Тя,
благодарим Тя,великия ради славы Твоея.
Господи,Царю Небесный,Боже Отче Вседержителю.
Господи,Сыне Единородный,Иисусе Христе,и Святый Душе.
Господи Боже,Агнче Божий,Сыне Отчь,вземляй грехи мира,
помилуй нас.Вземляй грехи мира,приими молитву нашу.
Седяй одесную Отца,помилуй нас.Яко Ты еси Един есть,
Ты еси Един Господь,Иисус Христос,в славу Бога Отца.Аминь.

На всяк день благословлю Тя и восхвалю имя Твое
во веки и в век века.

Сподоби,Господи,в день сей без греха сохранитися нам.

Благословен еси,Господи Боже отец наших,
и хвально и прославлено имя Твое во веки.Аминь.

Буди,Господи,милость Твоя на нас,якоже уповахом на Тя.

Благословен еси,Господи,научи мя оправданием Твоим.
Благословен еси,Господи,научи мя оправданием Твоим.
Благословен еси,Господи,научи мя оправданием Твоим.

Боже отец наших,творяй присно с нами по Твоей кротости,
не остави милость Твою о нас,но молитвами их
в мире управи живот наш.

Яко благочестия проповедники,и нечестия обуздатели
богоносных собор уяснил еси,подсолнечную осиявающия;
в мире совершенном тех тех молитвами,Тебе славящия
и величающия сохрани,поющия Ти,Господи:
Слава Тебе,Боже наш.

Веселися,земле Полтавская и все Отечество наше Православное,
се бо яко светозарное солнце,явися предчудная икона Твоя,
Преблагословенная Богомати,мир озаряющи множеством
чудес Твоих,теми убо обретаем,яже на земли,
вся благая и полезная,и сущих,яже на Небеси,сокровищ
сподобляемся.Сего ради вопием Ти:радуйся,Похвало наша
приснопокланяемая,спаси ны,молящияся Тебе,единая Надеждо
и Радование вечное поющих Тя.

Псково-Печерская обитель,издревле славная чудесы
иконы Богоматерни,многия иноки Богови воспита,
тамо и преподобный Корнилий подвигом добрым подвизася,
чудную Богоматерь славя,иноверныя просвещая,
иноки и многия люди спасая,обитель же свою
дивно украшая и ограждая.Тамо и мученичества венец
по многих летех пастырства доблестне прият.
Темже воспоим,людие,Христа Бога и Пречистую Его
Матерь возблагодарим,яко дарова нам преподобномученика
славна и молитвенника о душах наших достоблаженна.

Блага Небесная ради дел твоих стяжавый,
благости тезоимените,Агафоне,моли Благаго Господа,
молим тя тепле,яко да не лишит нас вечных благ Своих.

Память совершаем всех от века усопших православных христиан,отец и братий наших

Глубиною мудрости человеколюбно вся строяй
и полезная всем подаваяй,Едине Содетелю,
упокой,Господи,души раб Твоих,
на Тя бо упование возложиша,
Творца и Зиждителя и Бога нашего.

Со святыми упокой,Христе,души раб Твоих,
идеже несть болезнь,ни печаль,ни воздыхание,
но жизнь безконечная.

Преблаженнии и Богоноснии отцы наши,двоенадесятице честная,
устроению великия церкве Киево-Печерския послужившии
и равноангельным житием Богу угодившии
и Того ради дерзновение велие у Него стяжавшии,
молим вас прилежно,испросите душам нашим очищение
и велию и богатую милость.