Господи и Владыко живота моего,
дух праздности,уныния,любоначалия,празднословия не дай мне.
Дух же целомудрия,смиренномудрия,терпения и любви даруй мне,
рабу Твоему.Ей,Господи Царю,даруй мне зреть мои прегрешения,
и не осуждать брата моего,ибо благословен во веки веков.Аминь

О,угодниче Христов,отче наш Ефреме!
Принеси молитву нашу к милостивому и всесильному Богу
и испроси нам,рабам Божиим,у благости Его вся яже
на пользу душам и телесем нашим:веру праву,
надежду несумненну,любовь нелицемерну,кротость и незлобие,
во искушениях мужество,в злостраданиях терпение,
во благочестии преспеяние.Да не во зло обратим дары
Всеблагаго Бога.Не забуди,чудотворче святый,и святый храм сей
и приход наш:сохрани и соблюди их молитвами твоими
от всякаго зла.Ей,святче Божий,сподоби нас
кончину благую улучити и Царствие Небесное унаследити,
да прославим дивнаго во святых Своих Бога,Емуже подобает
всякая слава,честь и держава,во веки веков.Аминь.

Нескверная,неблазная,нетленная,Пречистая Святая Дево,
Богоневесто Владычице,яже Бога Слова человеком
преславным Твоим рождеством соединившая,
и отринувшееся естество рода нашего небесным совокупльшая,
яже ненадежных Едина надеждо и боримых Помоще,
готовое заступление к Тебе притекающих,
и всех христиан Прибежище:
не гнушайся мене грешнаго,сквернаго,скверными помыслы
и словесы и деяньми всего себе сотворша,
и разумом лености сластей жития раба бывша.
(см.продолжение молитвы ниже)

Но яко человеколюбиваго Бога Мати,человеколюбне
умилосердися о мне грешнем и блуднем,и приими мое еже
от скверных устен приносимое Тебе моление,и Твоего Сына
и нашего Владыку и Господа,матернее Твое дерзновение
употребляющи,моли,да отверзет и мне человеколюбныя
утробы Своея благости,и презрев моя безчисленная прегрешения,
обратит мя к покаянию,и Своих заповедей делателя
искусна явит мя.И предстани мне присно,яко Милостивая
и Милосердая и Благолюбивая,в настоящем убо житии
теплая Предстательнице и Помощнице,сопротивных нашествия
отгоняющи и ко спасению наставляющи мя,и во время
исхода моего окаянную мою душу соблюдающи,
и темныя зраки лукавых бесов далече от нея отгоняющи,
в страшный же день Суда вечныя мя избавляющи муки,
и неизреченныя славы Твоего Сына и Бога нашего
наследника мя показующи:юже и да улучу,Владычице моя
Пресвятая Богородице,Твоим ходатайством и заступлением,
благодатию и человеколюбием единороднаго Сына Твоего,
Господа и Бога и Спаса нашего Иисуса Христа,Емуже
подобает всякая слава,честь и поклонение,
со безначальным Его Отцем и Пресвятым и Благим
и животворящим Его Духом,ныне и присно,и во веки веков.Аминь.

Воздержанием плоть изнурил еси и непрестанными молитвами,
яко Ангел,возвысился еси,струями же слезными
бесовские полки погрузил еси.
И ныне во Свете невечернем ликуеши у Христа Бога
и приходящим ко святому твоему гробу
неоскудно исцеление подаеши,верою вопиющим ти:
радуйся,отче Феодосие богомудре.

Возвеселися таинственно честная Церковь возвращением
честных твоих мощей и,сия сокрывши,яко злато многоценное,
поющим тя неоскудно подавает молитвами твоими
исцелений благодать,Иоанне Златоусте.

Нищету Христову возлюбивши,безсмертныя трапезы
ныне наслаждаешися;безумием мнимым безумие мира обличивши,
смирением крестным силу Божию восприяла еси.

Днесь светло ликует град святаго Петра,
яко множество скорбящих обретают утешение,
на твоя молитвы надеющеся,Ксение всеблаженная,
ты бо еси граду сему похвала и утверждение.

Днесь град Кострома вельми вами хвалится:
в пределах бо земли Костромския,яко звезды
светозарныя,возсиявше,чудесы своими вся озарили есте
и ныне молитеся ко Господу,отцы преблаженнии,
Геннадие,Паисие,Авраамие,Иакове,Макарие и Пахомие,
со инеми многими нашего края Небесными покровителями
за град Кострому и всяк град,и страну,и люди,верою
и любовию вас почитающия,и о спасении душ наших.

--------- Геннадию Костромскому и Любимоградскому(1565г.)

Яко пустыннолюбивая горлица,от суетнаго
и многомятежнаго мира в пустыню удалився,
чистотою и говением,молитвами и труждением
прославил еси Бога в душе и телеси своем.
И тако благочестно пожив,явился еси,преподобне Геннадие,
пустыни Любимоградския украшение,инокам
честнаго жития образ и теплый молитвенник за всех,
притекающих к тебе с верою.

Благости научився и трезвяся во всех,благою совестию
священнолепно оболкся,почерпл еси от сосуда избраннаго
неизреченная и,веру соблюд,равное течение совершил еси,
апостоле Тимофее.Моли Христа Бога спастися душам нашим.

Божественнаго ученика и спутешественника Павлова
Тимофея,вернии,воспоим вси,с сим почитающе
мудраго Анастасия,возсиявшаго от Персиды,яко звезду,
и отгонящаго душевныя наша страсти и недуги телесныя.

Иже на земли Христа ради волею в буйство преложився,
мира сего красоты отнюд возненавидел еси
и,плотская играния увядив постом и жаждею
и на земли леганием,от зноя же и студени,
от дождя и снега и от прочия воздушныя тягости
никогдаже уклонился еси,душу очистил еси добродетельми,
яко злато в горниле,отче преблаженне Феодоре,
и ныне на Небесех предстоиши Престолу Пресвятыя Троицы,
но яко имея дерзновение многое,моли Христа Бога
спастися душам нашим.

Блаженст Христовых причастницы,
честнаго супружества и попечения о чадех добрый образе,
праведнии Кирилле и Марие,плод благочестия,
Сергия преподобнаго,нам явившии,
с нимже усердно молите Господа низпослати нам
дух любве и смиренномудрия,да в мире и единомыслии
прославим Троицу Единосущную.

Днесь,вернии,сошедшеся,восхвалим двоицу блаженную,
благовернаго Кирилла и Марию добронравную,
тыя бо молятся вкупе со возлюбленным сыном своим,
преподобным Сергием,ко Единому во Святей Троице Богу
Отечество наше в православии утвердити,домы миром оградити,юныя от напасти и соблазнов избавити,
старость укрепити и спасти души наша.

Непорочным священством Богови послужив,
посреде мирскаго мятежа юродство избрал еси,
взем бо крест,последовал еси Христу невозвратным помыслом
и,с любовию к Нему добродетельми приближаяся,
земная оставив,Небесная восприял еси,
блаженне Максиме,отче наш,
моли Христа Бога сохранитися граду Тотьме невредиму
и спастися душам нашим.

Рука Твоя сотворила меня и создала меня,
вразуми меня,да научусь по Слову Твоему.
Боящиеся Тебя увидят меня и возвеселятся,
ибо уповаю на Тебя.Прозрел,Господи,
ибо истинная правда Судьба Твоя,
и по Истине Твоей смирил меня.
Да пребудет на мне милость Твоя,
да утешит раба Твоего по Слову Твоему.
Щедростью Твоей одари меня,Господи,и жив буду,
ибо сохраняю в душе моей Твои Слова.
Да посрамятся гордые,ибо неправеден суд их,
я же поучаюсь в заповедях Твоих.
Да обратятся ко мне все боящиеся Тебя,узнавшие
свидетельство Твоё,да не постыжусь.
Восходит душа моя во Спасение Твоё,
ибо уповаю на заповедь Твою.
Пронзило сердце моё сокровение Твоё,взываю:
приди,утешь меня,Господи.Ибо как иней недолгий
была жизнь моя:вовек не забуду оправдания Твоего.
И сколько не отпустишь дней моих,и когда призовут
на суд свой ненавидящие меня,и учинят законопреступление мне,
и поглумятся надо мной,останусь в Законе Твоём,Господи.
Ибо Ты Спасение моё:когда придётся притерпеть,
не забуду опрадания Твоего.
Все заповеди Твои Истина,Господи,от неправедного суда
избавь меня.Не уничижи на земле путь мой,
ибо не отступил от заповедей Твоих.
По милости Твоей оживи меня,ибо храню свидетельство
Слова Твоего.Вечно Слово Твоё,Господи,вечно на небе
и на земле,из рода в род переходит Истина Твоя:
сотворил небо и землю и Царствуешь повсюду.
Благословением Твоим восходит день и всё сущее в нём,
ибо не будь Закона Твоего в сердце моём,скоро погиб
в смирении моём.Вовек не забуду оправдания Твоего,
ибо сохранил живой душу мою.

______________________"Давида пророка и Царя песнь"

Светло во страданиии твоем возсияла еси,страстотерпице,
от кровей твоих преиспещрена,и яко красная голубица
к небеси возлетела еси,Татиано:
темже моли присно за чтущия тя.

Возвращашеся иногда Иордан река милотию Елисеевою,
вознесшуся Илии,и разделяхуся воды сюду и сюду,
и бысть ему сух путь,иже мокрый,
во образ востинну Крещения,
имже мы текущее жития преходим шествие:
Христос явися во Иордане освятити воды.