Обрете тя строителя градов земля Киевская,
великий княже Ростиславе,смуты устранял еси,
единство храня,темже Господь тебе мудрость низпосла,
сего ради Христу Богу молися спастися душам нашим.

Величаем Тя,Пресвятая Дево,Богоизбранная Отроковице,
и чтим образ Твой святый,имже точиши исцеления
всем,с верою к Тебе притекающим.

Божественное озарение,Симеоне отче,восприяв в души твоей,
светило в мире показался еси светлейшее,
разгоняя того мракобесие и всех уверяя искати,
юже погубиша,благодать Духа,Егоже прилежно моли
даровати нам велию милость.

Яко архиереем сопрестольник и святителем
изрядный поборник был еси,святителю Евфимие,
не престай сохраняя отечество твое,град же и люди,
иже тебе верою почитающия и честным мощем покланяющияся,
да велегласно тебе вси вопием: радуйся,святителю богомудре.

Богородице Дево,Пренепорочная Мати Христа Бога нашего,
Заступнице рода христианскаго!Пред чудотворною
иконою Твоею предстояще,отцы наши молиши Тя,
да явиши покров Твой и заступление стране Приамурстей.
Темже и мы ныне молим Тя: град наш и страну сию
от нахождения иноплеменных соблюди и от
междоусобныя брани сохрани.
Даруй мирови мир,земли плодов изобилие,
сохрани во святыни пастырей наших,в святых храмех
труждающихся;осени вседержавным покровом Твоим
строителей и благотворителей их.Утверди в правоверии
и единомыслии братий наших;заблуждших же
и отступльших от православныя веры вразуми
и соедини Святей Церкви Сына Твоего.
Буди всем притекающим к чудотворней иконе Твоей
покров,утешение и пристанище от всяких зол,
бед и обстояний: Ты бо еси больных исцеление и вразумление.
Приими моления наша и вознеси я ко Престолу Всевышняго,
яко да Твоим предстательством соблюдаеми и покровом Твоим
осеняеми,прославим Отца и Сына и Святаго Духа,
ныне и присно и во веки веков.

Яко необоримую стену и источник чудес
стяжавши Ти,раби Твои,Богородице Пречистая,
сопротивных ополчения низлагаем.
Темже молим Тя: мир граду Твоему даруй
и душам нашим велию милость.

Величаем Тя,Пресвятая Дево,и чтим образ Твой честный,
имже показала еси преславное знамение.

Умолкает ныне всякое уныние и страх отчаяния исчезает,
грешницы в скорбех сердца обретают утешения
и небесною любовию озаряются светло.
Днесь бо Мати Божия простирает к нам спасающую руку
и от Пречистаго образа Своего вещает,глаголя:
Аз Споручница грешных к Моему Сыну,Сей дал Мне за них
руце слышати Мя выну.Темже людие,обремененнии грехми
и скорбьми многими,припадите к подножию Ея иконы со слезами,
вопиюще:Заступнице мира,грешных Споручнице!
Умоли Матерними Твоими молитвами Избавителя всех,
да Божественным всепрощением покрыет грехи наша
и светлыя двери райския отверзет нам,
Ты бо еси предстательство и спасение рода христианскаго!

Что Тя наречем,о Благодатная?
Небо?- яко возсияла еси Солнце Правды;
рай?- яко прозябла еси Цвет нетления;
Деву?- яко пребыла еси нетленна;
Чистую Матерь?- яко имела еси
на святых Твоих объятиях Сына,
всех Бога.
Того молися спастися душам нашим.

Хотящим чадом моим вечнаго спасения,
со слезами предстою пред честною Твоею иконою,Владычице,
да не презриши моления моего и мене,
к Сыну Твоему взывающия:Слава Тебе,Боже наш.

Христову мученику Адриану тезоименит был еси,преподобне,
многия труды подъял еси в жизни временней,
обитель иноческую созидая в пустыни,идеже
пострадал еси даже до крове от злых разбойник
и мученическую смерть от них приял еси,Адриане славне,
чудес благодатию обогатився,предстоиши всех Царю,Христу Богу,
Егоже моли спастися душам нашим.

Яко Безплотным единонравен и преподобным сообщник,
преподобне Герасиме,един на Вологду пришел еси,
прорицая ту быти граду великому,и в нем святой церкви
воздвигнутися и святителем водворитися.
Темже и сподобился еси близ того погребен быти
и по преставлении своем многими чудесы
исцелений просил еси.
Моли всегда о нас,яко да обрящем от Бога милость.

Явился еси стране нашей яко звезда пресветлая,
благоверный княже Данииле,лучами света твоего
озаряя град твой и обитель твою,людем православным
поборник еси,пленным свободитель и нищим защититель,
моли Христа Бога державе Российстей даровати мир
и спасти души наша.

Еже по образу соблюд непреложно,и яже в мире
тленная оставив,со ангельскими лики предстоиши Христу,
преподобне княже Данииле,никакоже забывая чад твоих,
но милостивно посещая и глаголя им:
аз есть с вами и никтоже на вы.

Града Сионска взыскующе,под Твой покров,
Дева Чистая,днесь притекаем,и никтоже возможет на ны,
яко несть град силен,аще не Сущаго Бога,
и несть ина крепость,аще не милость Влыдычицы Девы.

Величаем Тя,Пресвятая Дево,Богоизбранная Отроковице,
и чтим Державный образ святыни Твоея,имже подаеши
велию милость всем,с верою к нему притекающим.

От юности,Богоблаженне,Христа возлюбив,
отечество оставил еси и,всех мирских мятежей уклонився,
в тихое пристанище пречестныя обители Богоматерни
достигл еси:отнюдуже уведев непроходную пустыню,
крестовидную зарею показанную,желательне ю обрел еси,
и,в ней вселився,иночествующих собрал еси,
и сих ученьми своими,яко лествицею восходящую на Небо,
трудолюбно тщался еси возводити к Богу,Емуже молися,
Богомудре Мартирие,даровати душам нашим велию милость.

Словенска языка,Псковския земли плотски в юродстве быв,
юродства претворением Горняго Иерусалима гражданин явися,
Ангелом,славне,свеселишися,мироточиваго святителя Николая
звание восприим,с нимже всегда Христа Бога моли
даровати нам велию милость.