Царскую диадиму обагрил еси кровию твоею,богомудре мучениче,
за скиптр крест в руки приим,явился еси победоносец,
в жертву непорочну Владыце принесл еси себе,
яко бо агнец незлоблив от раба заколен еси,
и ныне радуяся предстоиши Святей Троице.
Молися о державе сродников твоих богоугодней быти
и сыновом Российским спастися.

Со святыми упокой,Христе,души раб Твоих,
идеже несть болезнь,ни печаль,ни воздыхание,
но жизнь безконечная.

Спасти хотяй всяку душу человечу,
всею любовию печешися о ней,
дондеже не научиши ю пети Сыну Твоему:
Слава Тебе,Боже наш.

Постнически подвизався на горе,умная врагов ополчения
всеоружием Креста погубил еси,всеблаженне,паки же
ко страдальчеству мужески облеклся еси,убив Копронима
мечем веры; и обоих ради венчался еси от Бога,
преподобномучениче Андрее приснопамятне.

Мужества тезоименитому благодарение,
яко благочестия тайноглагольнику,похвальная воззовем
от любве тебе,богоблаженне,но,яко имея дерзновение
ко Господу,от всяких лютых ны спаси,да поем:
радуйся,отче приснопамятне.

Преподобне и Богоблаженне отче Лонгине,
врат монастырских опасный хранителю,
опаснейший же и неусыпный своих чувствий
от всякаго мирскаго суетствия затворителю,
моли нарекшаго Себе дверь Господа Славы,
да отверзет нам дверь милости Своея.

Возсияла еси от истиннаго Солнца заря,
Дево Богоотроковице,просвещаеши души всех,
томимых гладом душевным,рече бо Господь:
не о хлебе едином жив будет человек,но о всяком глаголе,
исходящем изо уст Божиих.Но помрачишася очи наша
и окаменеша сердца наша,и не видим очима своима
и не разумеем сердцем судеб Божиих.Томимые душевным гладом,
к Тебе прибегаем,Пречистая Дево,и просим Слово жизни
утолить глад душевный нас,вопиющих Тебе таковая:
Радуйся,от убожества душевнаго нас воздвизающая.
Радуйся,питающая нас Словом жизни.
Радуйся,трапезо пресвятая,Хлеб жизни носившая.
Радуйся,пище,манны приемнице.
Радуйся,земле благая,клас божественный израстившая.
Радуйся,ниво,растящая многоплодие щедрот.
Радуйся,каменю,напоивший жаждущия жизни.
Радуйся,милость сугубо нам подающая.
Радуйся,Благодатная,Господь с Тобою,
подаждь и нам,недостойным,росу благодати Твоея
и яви милосердие Твое.

Всеблагая Матерь Божия,исцели нас,
немощами неверия прокаженных.

Горняго желая премирнаго жития,
дольняя возненавидел еси,и,взем крест свой,
последовал еси Христу,и в пустыню вселился еси,досточудне,
в ней подвизася в пениих,в бдениих и пощениих.
Темже в тя вселися Пресвятый Дух,но яко имея
дерзновение ко Христу Богу,испроси людем православным
здравие и спасение и не забуди посещая чад своих,
совершающих священную память твою,
Космо,преподобне отче наш.

Отечество и славу княжения твоего оставил,
Князю смирения,Христови,усердно последовал еси,
преподобне отче наш Николо; тем приял еси от Него
вечное царство и славу на Небеси,идеже ликуя,
поминай нас чтущих память твою верно.

Утверди сердце мое во уповании на Тя,Богомати,
изми всякую гордыню и превозношение из помраченнаго
ума моего,да вопию: несть свят,яко Господь,
и несть праведен,яко Бог наш.

Добр купец бысть,Богомудре Вениамине,
богатство бо свое тленно раздав,купил еси оным
нетленное в Царствии Небеснем,в немже ныне
тамошних благ наслаждаяся богатне,
проси нам мира и велия милости.

Всепремилостивая Матерь Божия,прости и помилуй нас.

Твоего предстательства уверение и милосердия Твоего явление
икона Иерусалимская нам,Владычице,показася,
пред нею же души наша в молитве изливаем
и верою Тебе вопием: воззри,Милосердая,на люди Твоя,
вся скорби наша и печали утоли,утешение благое
в сердца наша низпосли и спасение вечное
душам нашим,Пречистая,испроси.

Воистину дивен Бог во святых Своих,
пустынь Оптину якоже вертоград старчества явивый,
идеже Богопросвещеннии отцы,тайная сердца человеческаго
ведуще,народа Божия печальницы доблии явишася: сии бо
на путь покаяния грехом отягощенныя наставиша
и Божией премудрости научиша,страждущим и немощным
спострадаша и исцеления дароваша,ныне же,во славе Божией
пребывающе,молятся непрестанно о душах наших.

Терпением и мужеством Христа ради юродство восприял еси,
блаженне Андрее,в посте и бдении пребывая,тягость
зноя летняго понесл еси,и мразы зимния терпя,
темже и ныне приходящим с верою к тебе,
исцеление неоскудно подаеши,
моли Христа Бога спастися душам нашим.