Величаем тя,святый благоверный княже Александре,
и чтим святую память твою,ты бо молиши за нас
Христа Бога нашего.

Правило веры и образ кротости и житием
пастве твоей,отче смиренномудре Митрофане,был еси.
Темже и во светлостех святых солнца светлейши возсиял еси,
венцем нетления и славы украшаемь,моли Христа Бога
стране нашей и граду твоему в мире спастися.

Воздержанием тело духу поработив,душу же равноангельну
сотворив,святительскою одеялся еси одеждею,яко венец
священства,и ныне,всех Владыце предстоя,моли всеблаженне
Митрофане,умирити и спасти души наша.

Яко благоверен и праведен,за любовь Христа Бога
от своих смерть приял еси,Ярополче,страстотерпче святый,
благоверный княже Волынский,и пролиял еси кровь твою,
якоже прежде сродницы твои и страстотерпцы Богоблажении
Борис и Глеб,ихже подвигом ревнуя благочестно,Господеви
взывал еси усердно: даруй ми кончину,якоже братиям моим,
да и аз омыю грехи моя кровию моею и избавлюся
мира сего тщетнаго и мятежнаго.
Темже,днесь сошедшеся в память твою,
верою и любовию славим Господа,укрепившаго тебе
в подвизе напрасныя смерти,яко же бо агнец незлобивый,
от раба заколен еси,и себе самаго жертву непорочну
Господеви принесл еси,Егоже моли,присноблаженне,
спасти Отечество твое и сыновом Российским спастися.

Светлое тя солнце Церковь познавает,
добродетелей красотами и исцелений лучами
всех просвещая,Христов угодниче.Темже празднуем
честную память твою и почитаем подвиги твоя,
всеблаженне отче,премудре Григорие.

Веселия днесь вселенная исполнися вся
в благознаменитом празднице Богородицы,
зовуще: Та есть Сень Небесная.

Всеславная Матерь Божия,прости и помилуй нас.

Мира красная и славу его оставль,
притекл еси в пещеру,идеже от силы
преуспевая в силу,был еси вождь Христова стада,
всеславне Варлааме,еже яко упас добре,упаси и нас,
молим тя,сохраняя от всех зол,да тя ублажаем.

Препрославленная Матерь Божия,помилуй нас
несметными грехами обуреваемых.

Пресветлая Божия Матерь,не поминай грехов
бесчисленных наших,прости и помилуй нас недостойных.

Странен быв на земли,Небеснаго отечества достигл еси,
преподобне отче Паисие,добротолюбия подвижниче,
верных научил еси ум к Богу возводити и сердцем к Нему
взывати:Господи Иисусе Христе,Сыне Божий,помилуй мя грешного.

Избранный иноческаго жития ревнителю,яко пчела многотрудная,
писаньми отеческими души наша снабдил еси,коегождо наставляя
на путь спасения,сего ради зовем ти: радуйся,Паисие премудре,
старчества духовнаго в стране нашей возродителю.

Слава Тебе,Пречистая Матерь Божия,
за Твои великие благодеяния нам грешным.

Пение наше смиренное,от полноты любве и усердия
Тебе приносимое,не презри,Чистая,и не отвратися от нас,
оскверненных многими грехми,но помози нам,Всеблагая,
покаянием очиститися от скверны греховныя,и преуспети
в чистем и богоугоднем житии,Тя подвигоположницу
и помощницу в сем имуще,да возможем достойно
и праведно вопити ко Господу: Слава Тебе,Боже наш.

Пресвятая Матерь Божия,прости нам грехи безмерные наши.

Иже на земли леганием,пощением же и бдением
тело твое изнуряя,преподобне,вся плотская мудрования
умертвил еси и исцелений струя независтная явился еси,
верою притекающим к Тебе,Варлааме отче наш,
моли Христа Бога спастися душам нашим.

Якоже другий Илия,отче,дождь с небесе свел еси:
он убо огнь сведе и царя удиви,ты же люди твоя
возвеселил еси и торжествовати устроил еси.
Великий бо Новград вельми тобою хвалится,
имея мощи твоя в себе,егоже сохраняй
от враг непоколебима,да зовем ти:
радуйся,преподобне Варлааме,отче наш.

Присносущныя,блаженне,желая сподобитися жизни,
праведне и непорочне жизнь свою препроводил еси
в нынешнем веце,темже,Меркурие,желаемаго ты достиг,
моли и нам вечныя сподобитися жизни.