Из уст младенец незлобивых,и ссущих,хвалу Твоих раб
совершил еси,разрушити супостата,и отмстити страстию Креста,
падение древняго Адама,древом же воскресити сего,
поюща победную песнь Тебе,Господи.

Пядию измеривый небо,дланию же землю,Господь прииде:
Сион бо избра,в немже жити и царствовати изволи,
и возлюби люди,верно вопиющия: слава силе Твоей,Господи.

Слава Тебе,Боже наш,слава Тебе.

Языцы,вскую шатаетеся? Письменницы и священницы,
почто тщетным поучистеся,рекше: кто Сей,Емуже дети
с ваием и ветвьми,песньми зовут: благословен Грядый
во имя Господа Спаса нашего.

Сей Бог наш,Емуже никтоже подобен,
праведный всяк путь изобрет,
даде возлюбленному Израилю:
по сих же с человеки поживе явлься.
Благословен Грядый во имя Господа Спаса нашего.

Слава Тебе,Боже наш,слава Тебе.

Безначальнаго онаго и тихаго места,
идеже несть печаль,ни воздыхания,достигнути,
преподобне,желая,не дал еси себе зде покоя нимало,
но присно день и нощь в делех всяких и жестоком житии
трудолюбно подвизаяся,пребываеши,тем желаемаго
получил уже,Ипатие,молися о душах наших.

Яко великаго молитвенника за землю нашу
и утешителя теплаго притекающих к тебе,ублажаем тя,
вторый русский отче Серафиме,вся бо иже в мире красная
оставил еси,всем сердцем устремился еси к чертогам
Сладчайшаго Христа и в годину лютых гонений
образ кротости и смирения всем был еси:
не престай и ныне молитися за ны,да в терпении обрящем
путь покаяния и с тобою выну славим Пресвятую Троицу.

Яко Божественную лествицу,обретохом,преподобне Иоанне,
твоя Божественныя добродетели,к Небеси возводящия ны:
добродетелей бо ты был еси воображение.
Тем моли Христа Бога,да спасет души наша.

Преподобне отче Иоанне,моли Бога о нас.

Со святыми упокой,Христе,души раб Твоих,
идеже несть болезнь,ни печаль,ни воздыхание,
но жизнь безконечная.

Молвы житейския и тяжесть богатства
оставил еси и пресельник был отечества,
блаженне Алексие,Христове нищете подобяся.

Преподобне отче Алексие,человече Божий,
моли Бога о нас.

Болезньми святых,имиже о Тебе пострадаша,
умолен буди,Господи,и вся наша болезни
исцели,Человеколюбче,молимся.

Страстотерпцы Христовы четыредесяте,
во граде Севастийстем мужественно пострадавшии,
чрез огнь и воду прошедшии,в покой вечный вшедшии,
молитеся о нас ко Господу,да жизнь мирну сохранит
и души наша спасет яко Человеколюбец.

Святии мученицы Севастийстии,молите Бога о нас.

Страшен нам,- глаголаху страдальцы,- огнь геенский,
нынешняго же,яко клеврета,не убоимся.

Смех предлагается четыредесятем Христовым мучеником,
удавлен быв прежде гнездящийся в водах змий,
пагубородныя бо крепости лишися.

Радостне началозлобный восхити,
яко от двоюнадесяти Иуду окаяннаго,
и от Едема человека,от четыредесяти отпадшаго.

Святии мученицы Севастийстии,молите Бога о нас.

На престоле неприступному седящему,
простершему небо,яко кожу,и землю утвердившему,
собравшему воды в сонмы их,вся от не сущих
сотворшему быти и всем подающу дыхание и живот,
приемлющему от Архангел пение,и от Ангел
покланяемому,и от всех славимому Христу Вседержителю,
Зиждителю и Богу нашему,припадаю,недостойный,
принося мое моление,слова благодати прошу:
да возмогу благочестно воспети и аз святыя,
яже Сам показав победители,даровав им
славу с Небес и венцев множество.

Святии мученицы Севастийстии,молите Бога о нас.

К непрестанней жизни правотечно,о сыне,твори шествие,-
христолюбивая мати христолюбивому детищу вопияше,-
не терплю тебе второе,Подвигоположнику Христу явитеся.

Иже в недрех Отчих нераздельно же Сына седящаго,
в вещественнем чреве Твоем всельшася,Чистая,поем,
Дево Богоневесто,и превозносим во вся веки.

Слава Отцу и Сыну и Святому Духу,
и ныне и присно,и во веки веков,аминь.

Победивше страданьми и венцы приимше
от Божественныя Владычни десницы,
ныне даровати молитеся мир миру
и нам спасение,мученицы четыредесяте.

Во имя Отца и Сына и Святого Духа.Аминь

Егда снидосте во гробы и самех себе заключисте,
тогда страсти умертвивше плотския,спогребостеся Христу,
Богоноснии,и диавольския в подземных разрушиште ограды.
Сего ради Ангели венцы с Небес вам подают.

Измлада себе самаго Богу освятил еси
и чрез всю жизнь твою был еси истинный
Христова Евангелия подражатель,тем и наследник
Божественнаго Царствия познался еси,
приснопамятне княже Данииле.

Призри от горних высот,святителю отче Арсение,
на нас,смиренных и грешных,во умилении душ и сердец
к тебе прибегающих,верою крепкою на тя уповающих,
любовию нелицемерною просящих у тебе заступления.
Тебе бо молитвенника благоприятнаго вемы
ко Всемилостивому Богу. Пролей о нас твоя святыя молитвы,
и умоли человеколюбца Господа не погубить нас со беззаконии
нашими,но обрати нас к покаянию и исправлению,да прочее
время жития нашего земнаго не в работе греху и страстем,
но в делании заповедей Его святых и в благочестии провождаем
и со благою надеждою достигнем кончины нашея.
В час же смертный наипаче явися нам,отче,заступник благий,
ускори тогда на молитву о нас безпомощных и помози нам
со причастием таинств божественных мирную и благую кончину
улучити,грозныя мытарства воздушныя безбедно прейти
и унаследовати горнее Царство.
Ей,святителю Божий,не презри нас и не посрами
упования нашего,но буди о нас предстатель немолчный к Богу.
Пастырю наш добрый,упаси нас бодренными твоими молитвами
и сохрани ненаветны от всякаго зла,да славим неизреченное
человеколюбие Бога нашего,Отца и Сына и Святаго Духа,
и твое отеческое заступление во веки веков.Аминь.

образчик обычного в наше время скотоподобия

Пречистому образу Твоему покланяемся,Благий,
просяще прощения прегрешений наших,Христе Боже:
волею бо благоволил еси плотию взыти на Крест,да избавиши,
яже создал еси от работы вражия.Тем благодарственно вопием Ти:
радости исполнил еси вся,Спасе наш,пришедый спасти мир.

Всемилостивый Боже,прости нам грехи безмерные наши,
освободи от тёмных сил,изводящих нас;
дай нам прозрение,укрепи волю к жизни
и веру нашу в Тебя,Господи.
Всевышний Боже,услышь нас грешных и недостойных,
не оставляй безумных в темноте и погибели,
дай нам заблудшим избавление и надежду.
На Тебя одного уповаем,Светлый Боже,помилуй нас;
Господи Милосердный,спаси и сохрани всех нас.

Российския земли первопрестольниче и неусыпный о ней
к Богу молитвенниче! За веру Христову и паству твою
душу свою положив,страну нашу от нечестия избавил еси.
Темже вопием ти: спасай нас молитвами твоими,
священномучениче Ермогене,отче наш.

Избранный сосуд от пелен показался еси,Кирилле блаженне,
юношеских шатаний чужд явився и Мудрость Божественную возлюбив,
темже Святыя Православныя Церкве учением просвещен,
и сам многим учитель и просветитель был еси.

Святый Божий Кирилле,моли Бога о нас.