Лук сильных изнеможе,и немощствующии препоясашася силою:
сего ради утвердися в Господе сердце мое.

Слава,Господи,святому Преображению Твоему.

Моли Бога о нас,Пречистая Матерь Божия.

Духом Божиим водим,преблаженне Василие,
оттрясл еси мирской мятеж,и жития треволнения
возгнушался еси,и,совлекся одеяний тленных
и облекся в ризу безстрастия,убежал еси
ловления льстиваго миродержца,и был еси странен
во твоем языце,и,паче земнаго богатства
избрав богатство Небесное,увязлся еси венцем
терпения.И ныне,преблаженне Василие,моли
Христа Бога о творящих святую память твою,
да зовем ти: радуйся,преблаженне Василие.

Всемилостивый Боже,прости нам грехи безмерные наши,
освободи от тёмных сил,изводящих нас,дай нам прозрение,
укрепи волю к жизни и веру нашу в Тебя,Господи.
Всевышний Боже,услышь нас,грешных и недостойных,
не оставляй безумных в темноте и погибели,
дай нам заблудшим избавление и надежду.
На Тебя одного уповаем,Светлый Боже,помилуй нас;
Господи Милосердный,спаси и сохрани всех нас.

С вышних призирая,убогия приемля,
посети нас,озлобленныя грехи,Владыко Всемилостиве,
молитвами Богородицы даруй душам нашим велию милость.

Всякия скверны,Всемилостивый Спасе,аз бых делатель,
и во отчаяния ров впадся,но стеню от сердца
и вопию к Тебе,Слове:
ускори,Щедрый,и потщися на помощь нашу,яко Милостив.

Светильник всесветлый во граде святаго Петра явился еси,
пастырю добрый,священномучениче отче Вениамине.
Любовь и милосердие в сердцах верных насаждая,
благотворити призывал еси терпящим глад и нищету.
Сего ради и мы к тебе прибегаем и с верою вопием ти:
моли Милостиваго Бога Отечество наше в Православии
и благочестии утвердити,мир Церкви даровати
и душам нашим велию милость.

От юности иго Христово на рамо взем,истинный страж
Православныя Церкве явился еси,священномучениче Вениамине.
Клевету,узы,страдания и суд неправедный от беззаконных
мужественне претерпевая,святыню церковную на поругание
не предал еси,темже и Христос даром терпения и любве
тя исполни,во еже пред мученическою кончиною
со благодарением взывати: за вся,Господи,слава Тебе.

Из слов о.Анатолия:
Пред кончиною своею будешь благодарить Бога не за радости и счастье,а за горе и страдания,и чем больше их было в твоей жизни,тем легче будешь умирать,тем легче будет возноситься душа твоя к Богу.

Ублажаем тя,преподобне отче Анатолие,
и чтим святую память твою,
наставниче монахов и собеседниче Ангелов.

От юности горячим желанием Божественныя любве разжигаемь,
житейския молвы оставль,преподобне,ученик великаго
Сергия был еси,безмолвием и жестоким пребыванием,бдением
и молитвою,постом последуя Христу; сего ради избранием
учителя твоего священства сподобляешися от руки
блаженнаго Алексия и пастырь поставляешися обители,
яже на Киржаче,в нейже трудолюбно пожив,ко Господу отходиши,
Романе преподобне,моли о нас Христа Бога,со учителем твоим
преподобным Сергием,спастися душам нашим.

Днесь,яко солнце пресветло,просия в Российстей стране,
в конце ея полуденнем,всечестная икона Твоя,Владычице,
юже благоверный великий князь Димитрий в град Москву
принесе.Светло празднуем,благовернии людие,честнаго образа
пришествие,молящеся прилежно: Владычице Богородице,
молися Сыну Твоему,Христу Богу нашему,избавити град Москву,
страну нашу и вся православныя христианы от варварскаго
пленения,и междоусобныя брани,и всех навет вражиих,
Тебе бо Едину Заступницу имамы.

Вси вернии с радостию и утешением видят образ Твой святый,
на немже умиленно взираеши на Богомладенца Христа,
сего ради молим Тя,Всеблагая,яко Матерь вся Содержащаго
в деснице Свой Владыки: воззри на нас скоромилостиво,
и умоли Господа,да помилует нас недостойных.
Научи нас,Владычице,молитися Ему благоприятно,
и неосужденно пети Ему несквернами усты и чистым сердем
ангельскую песнь: Слава Тебе,Боже наш.

Величаем тя,святителю отче Клименте,
иже ученьми твоими роды словенския просветил еси
и ко Христу привел еси.

Словесы наставил еси языки в веру Христову,
делы же возвысил еси себе к Божественней жизни,
святителю Клименте равноапостольне,чудесы сияя
приступающим к тебе верно и знаменьми озаряя
Церковь преславно,сего ради честную твою память славим.

Величаем тя,святитею отче Клименте,
иже ученьми твоими роды словенския просветил еси
и ко Христу привел еси.

Велия исправления и крепкия подвиги
во псалмопениих же и коленопреклонениих безчисленных
показавый и многими труды и чудодействии,Богоносе Моисее,
просиявый,моли Христа Бога во еже спастися нам.

Тезоименит званию твоему,яко многоплодное древо,
насажден сый во обители Божия Матере,многая и чудная
тщанием твоим исправления показавый,мудре Поликарпе,
моли Христа Бога о нас,яко да и мы,многия
добродетелей Ему принесше,спасемся.

Источник исцелений и веры православныя утверждение
Почаевская Твоя икона,Богородице,явися,темже и нас,
к ней притекающих,от бед и искушений свободи,
лавру Твою невредиму сохрани,Православие во окрест
стоящих странах утверди и грехи разреши молитвенник Твоих:
елика бо хощеши,можеши.