Преподобне отче Зиноне,преподобне и честне житие твое
на земли препроводивый и тем Богови по премногу
благоугодивый,моли о нас,чтущих память твою.

Пресвятая Богородица,спаси нас.

Чудо чудес,Благодатная,в Тебе зрящи тварь радуется:
зачала бо еси безсеменно,и родила еси Неизреченнаго,
Егоже чиноначалия ангелов видети не могут.
Того моли о душах наших.

Духом горя путешествия к святым местом,
странствовал еси в Греческую землю,святителю Ефреме,
отнюдуже со многою пользою возвращается,устав святаго
Студийского монастыря списав,аки некий многочестен дар,
семо принесл еси,имже и днесь Церковь Российская управляема
славит тебе,истиннаго о ней промысленника.

Утоли болезни многовоздыхающия души моея,
утолившая всяку слезу от лица земли: Ты бо человеком
болезни отгониши и грешных скорби разрушаеши,
Тебе бо вси стяжахом надежду и утверждение,
Пресвятая Мати Дево.

Проповедницы богоноснии апостоли,
по Вознесении Господни,при освящении храма Твоего
невидимою рукою изображенный шаровными подобии на стене
обретше образ Твой,Владычице,рожденнаму от Тебе Богу
воспеша: Слава Тебе,Боже наш.

Плотское,яко безплотный Ангел,возненавидевши препитание,
духовную во иноческом чину возлюбил еси пищу,и в нем
Боговидцу на Синаи Моисею добрым жития Твоего подвигом
уподобляяйся,многими на горе Божией Печерской возвысился еси
добродетельми,идеже в молении к Вышнему непрестанно
пребывал еси,ныне же со отцы преподобными Печерскими,
яки бисер многоценен,мощми нетленными в пещере твоими
пресветло сияеши,а душею со Ангелы пред Престолом Божиим,
святый преподобномучениче Анастасие,предстоиши,
о нас всегда моляся ко Господу спастися душам нашим.

Ктиторская(IVв.); именуемых"Отрада",или"Утешение"/Ватопедская икона Божией Матери/(807г.),Одигитрия Ксенофская(1730г.)и"Закланная".

Спасти хотя род человеческий от вечныя муки
и прелести вражия,Человеколюбец Господь Тебе,Матерь Свою,
дарова земным во отраду и утешение,да будеши обидимым
Заступнице,отчаянным надеждо,скорбящим радование,
печальным утешение,и всех в нуждах и напастех к Тебе
прибегающих спасаеши,вопиющих верно: Слава Тебе,Боже наш.

Евфимие всечестне,преподобным единоревнителю
и Ангелом собеседниче,получивый с ними житием своим
чистым и безмолвным вечная благая,молися Господеви
присно о всех нас,да и мы тех же благ сподобимся.

Затворивый себе Господа ради в темней пещере,
преподобне отче Лаврентие,многолетне,и Оному добре
в ней угодивый,подаждь и нам от всякаго зла
чувствия затворити,и тьмы страстей обратитися,
и светлость получити Царствия Небеснаго.

От юности Христа усердно возлюбив,
вдался Тому еси весь,яко непорочная жертва,
и,иго Его благое на себе взем,работал в нем,
всечестне Макарие,спешне,темже убо молим тя:
молися о душах наших.

Бывший нестяжателем Христа ради и Того
за многия твоя добродетели в сердце твое вселивый,
блаженне Макарие,молися о нас,поющих тя.

Странное рождение и воспитание был еси отче,
но паки водворися во власти у своего народа,
Небеснаго Царствия желая,земное царствие оставил еси
и смирением Вышнее сокровище получил еси,преблаженне
Максиме,моли,молимся,о душах наших.

Чистотою душевною Божественне вооружився
и непрестанныя молитвы,яко копие,вручив крепко,
пробол еси бесовская ополчения,Антоние,отче наш,
моли непрестанно о всех нас.

Слава Тебе,вземльшему на Себе грехи мира,
прародительский грех в водах Крещения потопившему.

Слава Тебе,Милости предвечная,Крещением Твоим
новый мир от вод Иорданских человеком явившему.

Слава Тебе,водою и Духом истлевшее страстьми
неможение наше пресветло очищающему.

Слава Тебе,Образе пресветлый ипостаси Отчия,
к чудному нестареемому животу банею пакибытия приведи нас.

Слава Тебе,Святаго Духа в Твоем Богоявлении явившему,
да чистым духом в Небесный чертог Твой совнидем.

Слава Тебе,Победителю жизни,новую чистую жизнь
не по плоти,но во обновление духа даровати благоволившему.

Слава Тебе,Сыне Божий,во Иордане крестивыйся
и весь мир просвещей,слава Тебе.

Яко мученика добропроизвольна и преподобных удобрение,
звезду Ростовскую,в затворе,узах и веригах Господеви
благоугодившаго и чудес благодать от Него приемшаго,
Иринарха предивнаго песньми хвалебными почтим
и,к нему припадающе,умильно глаголем:
отче преподобне,моли Христа Бога спастися душам нашим.

Без семене от Божественнаго Духа,волею же Отчею
зачала еси Сына Божия,от Отца без матере прежде век суща,
нас же ради из Тебе без отца бывша,плотию родила еси
и Младенца млеком питала еси,темже не престай молити
избавитися от бед душам нашим.

Величаем Тя,Пресвятая Дево,
Млекопитательнице Спаса нашего,
и чтим образ Твой Святый,от негоже
благодать исцеления нам присно подаеши.