| Статистика |
Онлайн всего: 1 Гостей: 1 Пользователей: 0 |
|
Страницы: « 1 2 ... 12 13 14 15 16 ... 52 53 »
Показано 196-210 из 792 сообщений
597.
29 февр.Кипрской(перех.праздн.)и Волоколамской(1572г.)икон Б
(16.02.2004 12:44)
0  
Божественнаго быхом общницы естества
Тобою,Богородице Приснодево: Бога бо нам воплотившагося
родила еси; темже по долгу Тя вси благочестно величаем.
|
596.
28 февр.Виленской(принес.в Вильно в 1495г.),Далматской(1646г
(16.02.2004 12:40)
0
Мати святая Неизреченнаго Света,
Ангельскими Тя песньми почитающе,
благочестно величаем.
|
595.
27 февр. Равноапостольного Кирилла,учителя Словенского(869г.
(11.02.2004 16:38)
0
Избранный сосуд от пелен показался еси,Кирилле блаженне,
юношеских шатаний чужд явився и Мудрость Божественную
возлюбив,темже Святыя Православныя Церкве учением
просвещен,и сам многим учитель и просветитель был еси.
|
594.
26 февр. Долинской иконы Божией Матери
(11.02.2004 16:10)
0
Твое предстательство имуще,Пречистая,
и Твоими молитвами лютых избавляеми,
крестом Сына Твоего везде соблюдаем,
по долгу Тя вси благочестно величаем.
|
593.
26 февр.Прп.Стефана,во иночестве Симеона,царя Сербского,Миро
(11.02.2004 16:08)
0
Божественною благодатию просветився,и по смерти показуеши
светлость жития твоего,источаеши бо миро благоухания
притекающим к раце мощей твоих,и люди твоя наставил еси
к свету Богоразумия,Симеоне отче наш,Христа Бога моли
даровати нам велию милость.
Обители Хилендарския священных строителей
и Афона светильники,Сербии похвалу,Симеона величайшаго,
преподобных лепоту,и род его чудный,святителя,- глаголю,-
Савву,приидите согласно почтим,глаголя:
молите Христа Бога о пастве вашей,блаженнии,
и о еже Церкви свободней быти от обстояний.
|
592.
25 февр. ИВЕРСКОЙ иконы Божией Матери(IXв.)
(11.02.2004 15:50)
0
Неплодствующий мой ум плодоносен покажи,Благая Дево,
от неплодове рождшаяся,Ты бо плодоносие всех благ
явлением иконы Твоея подаеши.
|
591.
25 февр.Алексия,митр.Московского и всея России,чдтв.(1378г.)
(10.02.2004 12:51)
0
Апостольских догмат опасна хранителя,Церкве Российския
пастыря и учителя,преблаженнаго Алексия святителя
память празднующе,славословием Христа Бога нашего
песньми достодолжными,даровавшаго нам угодника Своего,
яко обильный источник точащь врачевания,
граду же Москве похвалу и утверждение.
|
590.
23 февр. Иконы Божией Матери ОГНЕВИДНАЯ
(08.02.2004 16:36)
0
Заченшая неопально огнь Божественный,
и Рождшая безсеменно источника жизни Господа,
Благодатная Богородице,спасай Тя величающия.
|
589.
23 февр.Благоверной кн.Анны Новгородской(1056г.)
(08.02.2004 16:33)
0
От запада воссиявши,яко звезда небосветлая,
прияти Православную веру сподобилася еси,
в нейже плод благословенный Русской земле принесши,
святая благоверная княгине Анно,Христа всем сердцем
возлюбила еси,Того оправдания и законы хранящи;
темже днесь всесвятую твою память празднующе,
грехов оставление молитвами твоими приемлем.
|
588.
22 февр.Прп.Панкратия Печерского,в Дальних пещерах(XIIIв.)
(08.02.2004 16:27)
0
Панкратие Богомудре,священниче Господень изрядне,
и чудес многих самодетелю,молися Господеви,
во еже спасти души наша.
|
587.
21 февр. Свт.Саввы II,архиеп.Сербского(1271г.)
(08.02.2004 16:24)
0
Исправление веры и образ кротости,и якоже сад
посреде рая,преподобными делы твоими мир просвещаеши,
сего ради к честней раце мощей твоих любовию прикасаемся,
лобызаем их и верно вопием: предстани в помощь воспевающим
память святую твою и светоносную,святителю отче
Савво пребогате,молимся,Христу Богу
молися спастися душам нашим.
|
586.
19 февр. Елецкой-Харьковской иконы Божией Матери(XVIIв.)
(08.02.2004 16:07)
0
Безматерняго на небеси,паче мысли и слуха,
на земли без отца родила еси: Того,Богородице,
моли о душах наших.
|
585.
18февр.Елецкой-Черниговской(1060),Сицилийской или Дивногорск
(06.02.2004 11:46)
0
Твоего милосердия дарования воспоминающе,Владычице,
и Твой чудотворный образ благоговейно лобызающе,
упованием же Твоея помощи сердца наша веселяще,
аки среди нас пребывающую Тя помышляем и верою
Тебе вопием: Твоего моли Сына и Господа,да научит нас
заповеди Его всегда творити и злыя искушения побеждати,
и Тебе,Предстательницу нашу,достойно пети и славити во веки.
|
584.
16 февр. Иконы Божией Матери УМЯГЧЕНИЕ ЗЛЫХ СЕРДЕЦ или "Симе
(02.02.2004 12:35)
0
Явльшуюся Тя,Матерь Божию,яко видев,Богородице,
старец рече,якоже пророк: се Твой Сын,на востание
и падение многих лежит,Владычице,
в знамение неудобосказуемое.
И Тебе Самой оружие пройдет душу.
|
583.
16 февр. Блгв.кн.Романа Угличского(1285г.)
(02.02.2004 12:30)
0
От младенства явился еси,правоверный княже Романе,
избран от Бога благочестия столп необорим,веру непорочну
соблюл еси,молитвами и милостынею и постом Богу угодил еси;
темже и по смерти явися светлость жития твоего,
исцеляеши бо недуги немощствующих,верою притекающих
ко святому твоему гробу. Сего ради вопием ти:
радуйся,угодниче Божий Романе,града Углича
похвало и утверждение.
|
|
|
|
