Тебе твоего,блаженне,учения долг приносяще,
воздаяния простираем,венец похвальный плетуще:
ты же любовию увязен,пребогате,твоими святыми
молитвами,благодать нам подаждь духовную.

Преподобне отче наш Иосифе,моли Бога о нас.

Звезды мысленныя,просиявшия на тверди Церковней,
иноков Российских основание,песньми,людие,почтем,
радостныя похвалы сим воздающе,радуйтеся,
преблаженнии отцы,Антоние с Феодосием Богомудрим,
присно молящиеся о возследствующих и чтущих память вашу.

Двоицу начальных Российских светил почтим,
Антония,Богом посланнаго,и Феодосия,Богом дарованнаго:
тии бо первии,равноангельным в России житием просиявше
от гор Киевских,осветиша отечествия нашего вся концы,
и путь к Небеси правый многим показаша,и,первоотцы
иноком бывше,лики спасаемых Богови приведоша,
и ныне,предстояще в вышних немерцаемому
Божества Свету,молятся о душах наших.

Преподобнии отцы наши Антоние и Феодосие,
молите Бога о нас.

Яко на превознесенную возшедше гору,
приидите,людие,станем во храме преподобных
первоначальников Печерских,и прославим Троицу Пресвятую,
яже нас собра во днешний день,прославити память святых своих.

Слава Отцу и Сыну и Святому Духу,
и ныне и присно,и во веки веков,аминь.

Тебе в чудесех славна Российским странам
показа Бог,Александре,и украси тя
Небесными дарами. Того моли
помиловати всех нас.

Святый благоверный княже Александре,
моли Бога о нас.

Ревновав в добродетелех Богомудрым отцем,
Евангельское семя Божия словесе в сердце твоем
насадил еси,и плод принесл еси Владыце,
тем и мзду от Него приял еси достойную.

Святый благоверный княже Данииле,
моли Бога о нас.

Мысленное солнце и светлую луну,первоначальных Печерских,
со всем собором преподобных днесь почтим,тии бо
церковную твердь озаряюще,просвещают во тьме страстей
бедствующих,и подают от Христа Бога молитвами своими помощь
во всех скорбех,и душам нашим просят избавление.

Величаем Тя,Пресвятая Дево,Богоизбранная Отроковице,
и чтим образ Твой честный,имже показалася еси
пречудное знамение

Наста днесь всечестный праздник пренесения
честных мощей твоих,святителю Петре,
веселя изрядно твое стадо,и верное отечество,
и люди,о нихже не оскудевай,моляся Христу Богу,
еже от Него дарованней ти пастве сохранитися
от враг ненаветованней и спастися душам нашим.

Соборе святых земли Смоленския,
водами священнаго Днепра омовенныя,
святителие,преподобнии,страстотерпцы и благовернии,
апостольскую веру соблюдшии,се ныне,Святей Троице
с Богородицею и лики Безплотных предстояще,
водами благочестия землю Русскую напаяете,
дарующе православным помощь Небесную
во утверждение веры и спасение душ наших.

Помилуй мя,тварь и злобу древнюю,Господи

Преподобне отче наш Антоние,моли Бога о нас.

царевича Алексия,великих княжен Ольги,Татианы,Марии
и Анастасии(1918)

В подобие жертве Христове,яко агнец непорочный,
волею заклан бысть за отступление народа твоего,
царю мучениче Николае. Царство же в себе раздельшееся
исцеляет тобою Христос. Мученичество святое твое славим,
имже бо царствие Православное воскрешается,во славу
Царя Небеснаго и спасение душ наших.

Святии царственнии мученицы и страстотерпцы,
молите Бога о нас.

Державный царь наш возложи вся упования на Господа
и умоляше Его,сего ради да воздвигнет Господь Вседержитель
престол Православных царей,молитвами Богородицы,
да воспоем вси и да поем силы Его отныне и до века.

Святии царственнии мученицы и страстотерпцы,
молите Бога о нас.

Ты еси крепость наша,Ты еси похвала и радование,
Предстательница непобедимая и Покров страны Российския.
Пресвятая Богородице,с царем мучеником и великим сонмом
новомученик моли спасти рабы Твоя.

Слава Отцу и Сыну и Святому Духу,
и ныне и присно,и во веки веков,аминь.

Да воскреснет Русь Святая молитвами святых Твоих,Господи,
и да расточатся вси врази ея вскоре,и от лица ея
да бежат вси ненавидящии ю отныне,пред Вторым
славным Пришествием Твоим.

Святии царственнии мученицы и страстотерпцы,
молите Бога о нас.

Величаем тя,страстотерпче Христов,Артемие,
и чтим святую память твою,ты бо молиши
за нас Христа Бога нашего.

Величаем вас,святии вси в земли Сибирстей
просиявшии,и чтим святую память вашу,
вы бо молите за нас Христа Бога нашего.

От сна восстав,благодарю Тебя,Святая Троица,
лишь много ради Твоей благости и милосердия
не прогневался на меня ленивого и грешного
и не погубил с беззакониями моими,
но человеколюбствовал обычно
и в нечаянии подвиг меня утром
прославлять державу Твою.
И ныне прояви мои мысли сокровенные,
открой мои уста поучаться словам Твоим,
научи разуметь заповеди Твои и петь Тебя
в исповедании сердечном,и воспевать всесвятое
имя Твоё,Отца и Сына и Святого Духа,
ныне и присно,и во веки веков,аминь.

Придите,поклонимся Царю нашему Богу.
Придите,поклонимся и припадём Христу,
Царю нашему Богу.
Придите,поклонимся и припадём
Самому Христу,Царю и Богу нашему.

Господи,помилуй.
Господи,помилуй.
Господи,помилуй.

Слава Отцу и Сыну и Святому Духу,
и ныне и присно,и во веки веков.аминь.

Помяни,Господи,и всех,
в надежде воскресения и жизни вечной
усопших,отцов и братьев наших и сестёр,
и здесь лежащих и повсюду православных христиан,
и со святыми Твоими,где присещает свет лица Твоего,
всели,и нас помилуй,яко Благ и Человеколюбец. Аминь.