Воскресенье, 28.05.2017
Мой сайт
Меню сайта
Статистика

Онлайн всего: 1
Гостей: 1
Пользователей: 0
Форма входа
Главная » Гостевая книга [ Добавить запись ]

Страницы: « 1 2 3 4 5 6 ... 52 53 »
Показано 46-60 из 792 сообщений
747. 1 июня. Блгв.вел.кн.Димитрия Донского(1389)   (24.05.2006 16:26)
Велика обрете в бедах тя поборника земля Русская,
языки побеждающа. Якоже на Доне Мамаеву
низложил еси гордыню,на подвиг сей
прияв благословение преподобнаго Сергия,
тако,княже Димитрие,Христу Богу молися,
даровати нам велию милость.

Подвиги твоими,святе Димитрие,страну нашу
Бог сохрани,давый тебе непобедимую. И ныне,
предстателю крепкий,соблюдай молитвами святыми
град твой Москву невредим от всех навет вражиих.

Во имя Отца и Сына и Святого Духа.Аминь

746.   (21.05.2006 14:12)
Помилуй мя,злобу древнюю,Господи

745. 24 мая. Равноапостольных Мефодия(885)и Кирилла(869)   (18.05.2006 13:34)
Водами учений ваших оросившася,
словенския страны даже доднесь Владыце Христу
плоды благоприятны приносят. Сего ради ублажает вас
Святая Церковь,зовущи: от бед избавите нас,угодницы Христовы.

Иже от не сущих вся Приведый,
и вас,отцы досточуднии,от чрева матерня
освяти в сосуды избранная Себе,во еже пронести
Имя Его пред языки; темже честную память вашу совершающе,
молим вас,Кирилле и Мефодие,влающийся ум наш
во исповедании правыя веры утвердити.

Святии равноапостольнии Мефодие и Кирилле,
молите Бога о нас.

Священную двоцу просветителей наших почтим,
Божественных писаний преложением источник
Богопознания нам источивших,из негоже
даже доднесь неоскудно почерпающе,
ублажаем вас,Кирилле и Мефодие,
Престолу Вышняго предстоящих
и тепле молящихся о душах наших.

Господи,помилуй.
Господи,помилуй.
Господи,помилуй.

Слава Отцу и Сыну и Святому Духу,
и ныне и присно,и во веки веков,аминь.

Первее сына Громова неземныя глаголы: в начале бе Слово,-
яко веры нашея главизну возгремели есте,отцы всехвальнии.
Таже псалтирь сладкогласную на глаголы словенския
преложили есте,еюже и ныне святая Церковь,веселящеся,
взывает: благословите,вся дела Господня,Господа.

Невещественным сокровищем обогатисте нас,отцы досточуднии:
Божественная бо литургия на языце словенстем начатся
от вас совершатися. Сея благодати и мы доднесь
причастницы суще,воспеваем Бога,глаголюще:
благословите,вся дела Господня,Господа.

Святии равноапостольнии Мефодие и Кирилле,
молите Бога о нас.

Превышшая Ангел и Херувим Честнейшая,
предстательством святых Кирилла и Мефодия,
на наше смирение умилосердися,молим Ти ся,
из глубины греховныя возведи и вечнаго осуждения
нас избави,да купно с ними Тебе,Матерь Света и Богородицу,
надежду всех нас,величаем.

Слава Отцу и Сыну и Святому Духу,
и ныне и присно,и во веки веков,аминь.

744.   (04.05.2006 14:48)
...Романа и Давида(1072 и 1115)

743. 15 мая. Перенес.мощей блгвв.князей Российских Бориса и Глеба   (04.05.2006 14:47)
Благомудрая двоице,велицыи страдальцы,
со святыми Троице предстояще,молитеся
очищение мне даровати,вас похваляющему.

Святые благоверные князие-страстотерпцы
Борисе и Глебе,молите Бога о нас.

742. 11 мая. Свт.Кирилла,еп.Туровского(1183)   (02.05.2006 15:32)
Божественный гром,труба духовная,
веры насадителю и отсекателю ересей,
Троицы угодниче,великий святителю Кирилле,
со Ангелы предстоя присно,моли непрестанно о всех нас.

741. 9 мая. Поминовение усопших воинов   (02.05.2006 15:16)
Во время оно,рече Господь Своим учеником:
егда же услышите брани и слышания бранем,
не ужасайтеся: подобает бо быти; но не у кончина.
Востанет бо язык на язык,и царство на царство;
и будут труси по местом,и будут глади и мятежи.
Начало болезнем сия. Предаст же брат брата на смерть,
и отец чадо; и востанут чада на родители и убиют их.
И будете ненавидими всеми имене Моего ради;
претерпевый же до конца,той спасен будет.
Будут бо дние тии скорбь,якова не бысть такова
от начала создания,еже созда Бог,доныне,и не будет.
И аще не бы Господь прекратил дний,не бы убо спаслася
всяка плоть; но избранных ради,ихже избра,прекратит дни.

Помяни,Господи,яко Благ,рабы Твоя,
и елика в житии согрешиша,прости:
никтоже бо безгрешен,токмо Ты,
могий и преставленным дати покой.

740.   (02.05.2006 15:14)
Во имя Отца и Сына и Святого Духа.Аминь

739. 6 мая. Великомученика Георгия Победоносца(303)   (28.04.2006 14:03)
Святый великомучениче и победоносче Георгие,моли Бога о нас.

Поток лютых страстей же и бед,и мятежнаго обстояния,
и болезней падения,и демонов козни,и злочестивых стремления
укроти твоими молитвами,венценосче Георгие.

Весь светом,блаженне,Тройческим чисто облистаемь,
яко мученик непобедим,яко благочестия поборник,
яко победитель Боговенчанен,спаси,Небесный жителю,
тя чтущия молитвами твоими.

Святый великомучениче и победоносче Георгие,моли Бога о нас.

738. 2 мая. Радоница. Поминовение усопших   (24.04.2006 15:26)
Миром Господу помолимся.

Рукою создавый Адама,и поставивый предел
нетления и мертвости,Спасе,и жизни во благодати,
тления же пременивый,к первой преложив жизни,
Сам рабы Твоя,Владыко,яже приял еси от нас,
со праведными упокой и в лице избранных,
и сих имена написав в книзе животней,
и воскресив во гласе архангелове,и трубы шуме,
сподоби я Небеснаго Царствия Твоего.

Блажени,яже избрал,и прял еси,Господи.

Все упование мое на Тя возлагаю,Мати Божия,
сохрани мя под кровом Твоим.

Глубиною мудрости человеколюбно вся строяй,
и полезное всем подаваяй,Едине Содетелю,
упокой,Господи,души раб Твоих: на Тя бо
упование возложиша,Творца и Зиждителя
и Бога нашего.

Слава Отцу и Сыну и Святому Духу,
и ныне и присно,и во веки веков,аминь.

Упокой,Боже,рабы Твоя,и учини я в рай,
идеже лицы святых,Господи,и праведницы сияют
яко светила: усопшия рабы Твоя упокой,
презирая их вся согрешения.

Смерти Твоею поправ смерть,
Божественныя жизни источил еси присносущие:
еже подаждь,Блаже,душам усопших,мученик Твоих
мольбами оставление прегрешений даруя.

Упокой,Господи,души усопших раб Твоих.

737. 2 мая. Блаженной Матроны Московской(1952)   (24.04.2006 15:08)
Богом умудренную блаженную старицу Матрону,
земли Тульския процветение и града Москвы
преславное украшение,восхвалим днесь,вернии.
Сия бо света дневнаго не познавше,светом Христовым
просветися и даром прозрения и исцеления обогатися.
Пресельница же и странница на земли бывши,
ныне в чертозех Небесных Престолу Божию
предстоит и молится о душах наших.

К служению Христу от чресл метерня предызбранная,
праведная Матроно,стезе скорбей и печалей шествующи,
твердую веру и благочестие явивши,Богу угодила еси.
Темже,почитающе память твою,молим тя: помози и нам
в любви Божии пребывати,старице блаженная.

О блаженная мати Матроно,душею на небеси
пред Престолом Божиим предстоящи,телом же на земли
почивающи,и данною ти свыше благодатию различныя чудеса
источающи,призри ныне милостивным твоим оком на ны,грешныя,
в скорбех,болезнех и греховных искушениих дни своя иждивающия,
утеши ны отчаянныя,исцели недуги наши лютыя,от Бога нам
по грехом нашим попущаемыя,избави нас от многих бед
и обстояний,умоли Господа нашего Иисуса Христа простити нам
все наши согрешения,беззакония и грехопадения,имиже мы
от юности нашея даже до настоящаго дне и часа согрешихом,
да твоими молитвами получивше благодать и велию милость,
прославим в Троице Единаго Бога,Отца и Сына и Святаго Духа,
ныне и присно и во веки веков. Аминь.

736. 29 апреля. Суббота Светлой седмицы   (18.04.2006 14:11)
Ангел воспевает Благодатной:
Чистая Дева,радуйся!
И снова поём: радуйся!
Твой Сын воскрес тридневен из гроба,
и мертвых вознёс: люди,веселитесь!

Светись,светись Новый Иерусалим,
слава Господня на тебя воссияла,
ликуй ныне и веселись Сион;
Ты же,Чистая,прославляйся,Богородица,
в празднике рождества Твоего.

735. 25 апреля. Вторник Светлой седмицы   (14.04.2006 15:21)
Воскресни,Господи,в покой Твой,
Ты,и Кивот святыни Твоея.

Ныне вся исполнишася света,
небо же и земля и преисподняя:
да празднует убо вся тварь востание
Христово,в немже утверждается.

Христос воскресе из мертвых!

734. 21 апреля. Воспоминание Святых спасительных Страстей Господа   (13.04.2006 15:27)
Искупил ны еси от клятвы законныя
честною Твоею Кровию,на Кресте пригвоздився,
и копием прободься,безсмертие источил еси человеком,
Спасе наш,слава Тебе.

733. 19 апреля. Свт.Мефодия,архиеп.Моравского(885)   (13.04.2006 15:06)
Положил еси хранение заповедей,яко камень краеуголен,
на немже созидая храмину души твоея,преподобне Мефодие,
Духа Святаго селение сотворил ю еси; аз же селение греха сый,
к тебе припадаю,всеблаженне,очисти меня росою молитв твоих,
да зову,благодаря: слава силе Твоей,Господи.


Имя *:
Email *:
WWW:
Код *:
Поиск
Друзья сайта
  • Создать сайт
  • Официальный блог
  • Сообщество uCoz
  • FAQ по системе
  • Инструкции для uCoz
  • Все проекты компании
  • Copyright MyCorp © 2017
    Бесплатный хостинг uCoz