Пение всеумиленное слышаще
от верных рабов Твоих возносимое,
Ты,Пречистая Мати Дево,яко имущая милосердие неизреченное,
насыти нас пищею нетленною Слова Божия и научи нас
всегда исполняти животворныя заповеди Господа нашего;
Егоже умоли,предстательнице наша Всеблагая,
да ниспослет милость Свою нам недостойным
и сподобит нас унаследовати Его всесветлое и всеблаженное
Царствие,идеже от всех святых поется Ему всеблаженная песнь:
Слава Тебе,Боже наш.

Избранней от всех родов,Небесе и земли Царице,
Пресвятей Богородице Одигитрии,
яко избавльшеся от вечныя смерти
благоданию от Тебе рождшагося Христа Бога нашего
и Твоим матерним пред Ним ходатайством,
благодарственное пение приносим Ти,раби Твои.
Ты же,всемилостивая наша Заступнице,от всех нас бед
и скорбных обстояний свобождай и к Царствию Горнему
путеводствуй,да зовем Ти:
Радуйся,Богородице Одигитрие,христиан упование!

Избраннии и всехвальнии страстотерпцы Христовы
Борисе и Глебе,
благословеннии чада просветителя нашего
равноапостольнаго Владимира,
от идольскаго нечестия в чудный свет веры Христовы пришедшии
и кровь пролиявшии за веру во Христа Бога нашего,
похвальная пения вам приносяще,мы,недостойнии,
во гресех и скорбех наших прибегаем к вашему заступлению,
вы же,яко дерзновение имущие ко Господу,
молите Его,Всеблагаго Царя Славы,даровати милость
почитающим святую вашу память и во умилении сердца
поющим вам:Радуйтеся,Борисе и Глебе,
великии и славнии страстотерпцы.

Соборе святых земли Смоленския,
водами священнаго Днепра омовенныя,
святителие,преподобнии,страстотерпцы
и благовернии,апостольскую веру соблюдшии,
се ныне,Святей Троицы с Богородицею
и лики Безплотных предстояще,
водами благочестия землю Русскую напаяете,
дарующе православным помощь Небесную
во утверждение веры и спасение душ наших.

Мученьми странноужасными и доблестию терпения
всех преудивил еси,княже Романе:
честных бо членов твоих по составом резание
и всего телесе твоего раздробление
претерпел еси за веру Христову.
Темже и возшел еси к Престолу Царя Христа Бога
и явился еси новый предстатель Церкве Рязанския.
Молися убо ко Господу,да мир и благоденствие
дарует граду нашему,и испроси у Него милость
и спасение чтущим священную память твою,многострадальне.

44.Еще подобно Царство Небесное купцу,ищущему хороших жемчужин,
45.Который,нашед одну драгоценную жемчужину,пошел и продал все,что имел,и купил ее.

Уподобился еси купцу,ищущему добраго бисера,
славнодержавный Владимире,
на высоте стола седя матере градов,
богоспасаемаго Киева;
испытуя же и посылая к Царскому Граду
уведети православную веру,обрел еси безценный бисер,
Христа,избравшаго тя яко втораго Павла,
и отрясшаго слепоту во святей купели,
душевную вкупе и телесную.
Темже празднуем твое успение,людие твои суще:
моли спастися державы твоея Российския
начальником и множеству владомых.

Крилами благоразумия вперивши твой ум,
возлетела еси превыше видимыя твари;
взыскавши Бога и Творца всяческих,и Того обретши,
пакирождение крещением прияла еси;
древа животнаго наслаждающися,
нетленна во веки пребываеши,Ольго приснославная.

Воспоем днесь Благодетеля всех Бога,
прославльшаго в России Ольгу богомудрую,
да молитвами ея подаст душам нашим грехов оставление.

Величаем тя,святая благоверная княгиня Российская Ольго,
и чтим святую память твою,ты бо молиши о нас
Христа,Бога нашего.

14.Я знаю и уверен в Господе Иисусе,что нет ничего в себе самом нечистаго;только почитающему что-либо нечистым,тому нечисто.

22.Ты имеешь веру?имей ее сам в себе,пред Богом.
Блажен,кто не осуждает себя в том,что избирает.

Явилась в 1579г.в Казани на пепелище после пожара.Список с нее был послан князю Пожарскому,вскоре освободившему Москву.Являла помощь российскому воинству в годы наполеоновского нашествия и в Великой Отечественной войне.Пред нею молятся о заступлении России,в различных недугах,особенно же в болезнях глаз.

Притецем,людие,к тихому сему и доброму пристанищу,
скорой Помощнице,готовому и теплому спасению,
покрову Девы;ускорим на молитву и потщимся на покаяние:
источает бо нам неоскудныя милости Пречистая Богородица,
предваряет на помощь и избавляет от великих бед
и зол благонравныя и богобоящиеся рабы Своя.

Яко благоверен и праведен,
за любовь Христа Бога от своих смерть приял еси,
кровь свою пролияв,якоже прежде сродницы твои
и страстотерпцы Борис и Глеб,ихже кровем
совопиет и твоя кровь,святе,к Богу,
якоже Авеля и Захарии праведных,
благоверный страстотерпче,великий княже Андрее,
с нимиже Христа Бога моли о стране нашей,
еже Богоугодней быти и сыновом российским спастися.

Божественнаго света лучами облистаемый,преподобне Андрее,
Христа познал еси Божию премудрость и силу,
и иконою Святыя Троицы всему миру проповедал еси
единство во Святей Троице.
Мы же со удивлением и радостию вопием ти:
имеяй дерзновение ко Пресвятей Троице,
моли просветити души наша.

Святый Боже,святый крепкий,святый бессмертный,помилуй нас.
Святый Боже,святый крепкий,святый бессмертный,помилуй нас.
Святый Боже,святый крепкий,святый бессмертный,помилуй нас.

Слава Отцу и Сыну и Святому Духу,
и ныне и присно,и во веки веков,аминь.

Иже в земли Тверской прославльшиися,
святителие,мученицы,преподобнии,праведнии,
и вси святии,верою,подвиги благочестия,любовию,
кротостию,словом и житием Богу благоугодившии
и венцы нетления и славы украсившиися,
молите Христа Бога нашего даровати
мир стране нашей и душам нашим в мире спастися.

Величаем вас,страны Тверския покровители,
и чтим святую память вашу,
вы бо молите за нас Христа Бога нашего.

Разум человеческий не может постигнуть силу исцелений
благодатных,иконою Твоею,о Богомати,чудесно являемых,
не может изъяснити и чудо велие,
како отсеченная десница преподобнаго во едину нощь
цела и здрава обретается,на нейже токмо
червленый знак бывшия язвы оставлен бысть
Врачебницею Благою,слышащею от нас сия похвалы:
Радуйся,скоро являющаяся утешительнице скорбящих душ.
Радуйся,радостотворная посетительнице болезнующих сердец.
Радуйся,безнадежных страдальцев надеждою исцеления ободряющая.
Радуйся,врачами оставленных болезнующих на свои руце приемлющщая.
Радуйся,усеченную десницу Божия избранника
целу и здраву вышеестественно соделавшая.
Радуйся,яко ничтоже невозможно Тебе,Милосердая Предстательнице,нам всегда заступление показующая.
Радуйся,Помощнице наша,Троеручною иконою Твоею нам помогающая.