Господи Ты наш,
Светлый Царь небесный,
Радость и Утешение наше,
вечный Истины Свет,
везде Сущий и всё Исполняющий,
Сокровище благ и жизни Податель,
приди,и вселись в нас,
и очисти нас от всякой скверны,
и спаси,Блаже,души наши.

Господи Ты наш,
Светлый Царь небесный,
вечный Истины Свет,
везде Сущий и всё Исполняющий,
Сокровище благ и жизни Податель,
приди,и вселись в нас,
и очисти нас от всякой скверны,
и спаси,Блаже,души наши.

От благочестиваго корене отрасль благочестивая прозябл еси,
и,скончався в юности,лета долга твоими добродетельми
исполнил еси,благоверный княже Феодоре,сего ради
Владеющему временами молимся,да молитвами твоими
подаст нам долготу лет и низпослет стране нашей
велию и богатую милость.

В благочестии рожденна,в страсе Божии воспитана,
в житии целомудрие стяжавшаго,по успении же
нетлением телесе просиявшаго,благовернаго князя Феодора
во святых почитая,смиренно молимся Тебе,Всесильный Владыко,
да и во веки прославляеши святыми Твоими
страны наша Российския.

Пресвятая Троица,помилуй нас:
Господи,очисти грехи наши;
Владыко,прости беззакония наши;
Святый,посети и исцели немощи наши,
имени Твоего ради.

Господи,помилуй.
Господи,помилуй.
Господи,помилуй.

Слава Отцу и Сыну и Святому Духу,
и ныне и присно,и во веки веков,аминь.

Богоноснаго Антония ревнуя смиренномудрию,
аки некиим врачеством зелием снедным исцелял еси болящия,
преподобне Агапие,тем и врача неверна уверив,наставил еси
на путь спасения.Уврачуй и наша болезни
и молися Господеви о воспевающих тя.

Помяни,Господи,души усопших рабов Твоих,
родителей моих Серафиму,Пелагею,
и всех сродников по плоти,
прости все их согрешения вольные и невольные,
и даруй им Царствие и причастие вечных Твоих благ,
и Твоей бесконечной и блаженной жизни наслаждение.

Пресвятая Матерь Божия,моли Христа Бога о нас.

Наготою телесною и терпением обнажил еси вражии коварствия,
обличая неподобное его деяние,зельне стражда,
солнечный вар,и нуждныя великия студени мраза и огня
не чул еси,Божию помощию покрываемь,Иоанне премудре:
моли о верою творящих память твою честно
и усердно притекающих к раце мощей твоих
избавитеся от бед и падения избежати.

Вышния красоты желая,нижния сладости телесное ядение
тщательно оставил еси,нестяжанием суетнаго мира
возлюбил еси Ангельское житие,
преходя,скончався,Иоанне блаженне:
с нимиже моли Христа Бога непрестанно о всех нас.

Житием чистым просветився,
в молитвах и постех пустыни явился еси
доброе прозябение и,духовному твоему учителю последствуя,
ум свой к Небесным управль,стаду твоему наставник был еси,
тем тя молим,отче Ферапонте:
моли Христа Бога спастися душам нашим.

На Небеси предстоя Святей Троице,праведне блаженне Иоанне,
земный Ангеле,Божий человече,с безплотными лики
славословиши Любовь Неизреченную,в Церкви первородных
со святыми водворяяся,о нас,сущих на земли,
возносиши молитвы к Содетелю всех и Спасу,
да подаст мир всему миру,Церквам на земли благостояние
и соединение всех,чтущих Сына Божия,во плоти пришедша,
во святем Теле Христа Иисуса,еже есть Церковь Бога Живаго,
во спасение рода человеческого.

Евангельския любве служителя,правды Божия ревнителя,
веру Христову исповедавша в страданиих,
праведнаго Иоанна ублажаем и почитаем днесь,
и,житие его назидающеся,поем:
радуйся,молитвенниче наш,от Бога прославленный.

Православным смыслом юношеская возжеления возненавидев и доблественныя нравы восприим,врага победил еси
и во благоразумии Богу угодил еси,и свыше от Него
прием дар чудес,бесы прогоняти,недуги исцеляти,
Никито преславне,моли Христа Бога,да спасет души наша.

Христа ради от твоих рабов нуждную смерть претерпел еси
и венец нетления от Него восприял еси; приходящим же
с верою от честнаго твоего гроба подаеши цельбы,
о Никито преподобне,молитвенниче о душах наших.

Подражающи дванадесятолетна дванадесятолетну Христу,
учившему во святилищи Божию слову,последовала еси,
Евфросиние.Славу временную и земнаго обручника оставльши
и вся мирская презревши,краснейшему паче всех Христу
себе уневестила еси,крест вземши,путем ангельскаго жития
шествующи и многия к Нему наставляющи,во благоухании мира
в Небесный Чертог востекла еси,идеже моли,Егоже
возлюбила еси,о чтущих благочестно память твою.

Константин днесь с материю Еленою Крест являют,
всечестное древо,всех убо иудеев посрамление суще,
оружие же на противныя верных людей:
нас бо ради явися знамение велие и во бранех грозное.

Величаем вас,святии благовернии и равноапостольнии царие
Константине и Елено,и чтим святую память вашу,
вы бо святым Крестом всю вселенную просветили есте.

Славной Воеводе-Победительнице,
что избавляет нас от бед,
благодарение возносим Тебе,
рабы Твои,Богородица,
и как имеешь силу неодолимую,
от всякого нас зла освободи,
да зовём Тебя: радуйся Невеста Невестная.

В житии своем многи скорби претерпел еси,блаженне,
и терпения ради венец от Бога приял еси,
и по смерти своей чудотворец показался еси,
того ради память твою песньми почитаем,
преподобне отче наш Игнатие,молися,предстоя,
Святей Троице,державе сродник твоих Богоугодней быти
и сыновом Российским спастися.